Wargeyska La Gazzetta dello Sport ee Talyaaniga ka soo baxa ayaa qoraya in kooxda Man City ay weli ku dhagan yihiin in ay xagaagaan la soo hishiiyaan gool hayahaha kooxda Malaga ee Wilfredo Caballero iyadoo arintaas uu gadaal ka riixayo tababaraha cusub ee Man City Manuel Pellegrini.
Wilfredo Caballero ayaa lagu tirayaa magacyada ugu muhiimsan kooxdaas Malaga iyadoo uu ahaa furayaasha Malaga labadi xilli ciyaareed ee ugu dambeeyay , waxaana sidoo kale uu bar tilmaameed uu u yahay kooxo kale oo ka dhisan gudaha Spain .
Manuel Pellegrini ayaa gool hayihiisa hore ee Malaga Wilfredo Caballero u arka mid ka dhigi kara shabaqa Man City mid amaankiisa la isku haleyn karo .
Waxaa la xusayaa in tababare Manuel Pellegrini uu doonayo in hal gool haye uu ku tiirsanaado horyaalka Ingiriiska halka mid kalana uu ku tiirsanaanayo kulamada tartanka kooxaha yurub ee Champion-ka.
Waxaa xusid mudan in hishiiska goolhaye Wilfredo Caballero ee kooxda Malaga uu gaarsiisan yahay xagaaga 2016-ka waxaana qiimihisa lagu qiyaasayaa 12-milyan oo euro .