Waa maxay sababta aad uga nixi kartaa? Sidii oo dalkan aaney cid kale ku uuneyn Miyeydaan ku heshiin, markii darka kolba lagaa waabiyey in aad falaadha iyo gabooyaha aad adigu qaadato hashaasna aad ku gabraarato oo marka aad biciidka ku disho, doorka dambana aad isaga u dhiibto oo markiisa biciidka shiisho.arimahaas oo meel ka dhac ku ah shacbiga reer somaaliland. Keligaa maaha ee hogaamiyayaasha jaguuga ah ee afrika badidooda ayaa sidaa yeela. Waana mida sahayata ugu dambeynta. Waayo, taasi waxay ka dhigan tahay in aad dadkii caayeyso oo leedahay caqli ma lihidin. Miyaanad ku odhan waxaa tahay baydari??? Dhoogta shubey. Miyaad ilowdey Unrevealed principles of the party, qodobadii daaha dabadiisa ee xisbiga. Kuwaas oo ahaa in aan gudoomiyaha leysla sharixi Karin. In aan loo joojin dadkan aan waxba fahmeyn ee farta iska taaganaya sida Carabeyto iyo wadka. Isaga saaxiibkey Xasan Gaafaadhi waa iska daacad oo xisbi ku sheegan hore uma barane. Mudane madax weyne maanta orgiga aad soo rareyso waa la garanayaa, waxad soo kicineysaa gaabarey. Xisbiga dhexdiisa iska sharaxa aad tidhaahdo. Hase yeeshee wax kasta oo aad keentaa dad qaarkood wax shido ah oo ay ku haysaaba ma jirto.waxaaney aaminsan yihiin in okiyaalaha qabiilka ee laysku duudsiyayo la bixiyo isla markaa laga guuro adiga iyo kan kale ee aad meesha dhigatrey. maalintii lagu soo doortey shirkii beelaha jeegaanta jigjiga yar iyo bariga burco in uu noqdo gudoomiyaha shanta sano ee xisbi ku sheega KULMIYE. Shirkaas oo ay diideen iney ka soo qayb galaan beelaha Cabaaye, Goljano , Qudhac dheer , Saaxil iyo Galbeedka burco. Kuwaas oo horeba u lahaa jeegaan siyaasadeed oo waayadan habaasku ku yara dhacay isla markaa hadda u baahan in boodhka laga afuufo. Qaarkoodna ay qaadayaan gabaygii Faarax Nuur:
RAGG KAA GAQAY
RAFIIQ NIMAAD TIHIIN
TALLO LAGAA REEBEY
MEEL AAN LAGAA RABIN
INDHAHA LALAMA SII RAACO.
Kuwaas waxan leeyahay fadlan gabaygaas oo kale ha qaadina, iyaga ayaa bahasha beelo beelo ku celiyey, iyaga ayaa baho baho ka dhigey. karis xun iyada ayaa ku la. Laakiin waxa leydinka rabaa in aad bixisaan okiyaalaha qabiilka ee beenbeenta ah jeegaantiina aad garataan. Waa idinku taageersanahay go aamada dhaxal galka ah ee aad qaadateen. Mana shaqeynayaan gudi doorasho oo magaca kulmiye hoosta ku haysta iyo noocii codadka dadka xadi jirey iyo server madaxtooyadu jabsato iyaga oo isticmaalaya add and remove programme. Codadka qaarna laga jarayo, qaarkoodna lagu darayo. Doorashadan waxa loo geli doonaa si adag xisbiyada mucaaridkuna waxa laga rabaa in aaney il duufin.
Allaa mahad leh
WACAYS AXMED MAXAMUUD
BARRE ADDUUNYO
Germany,Frankfurt
bareadunyo@gmail.com