Garoowe(GNA)-Madaxweynaha Maamulka Puntland Cabdiwali Maxamed Cali (Gaas), ayaa guul ku tilmaamay dilka hogaamiyihii Alshabaab Axmed Cabdi Godane oo ay shalay Maraykanku sheegeen inuu ku dhintay weerarkii isniintii lan fuliyay.
Gaas ayaa sheegay inay dilka amiirkii Alshabaab nabad-gelyo u horseedi doonto Gobolka, waxaanu intaas ku daray inay Al-shabaab caqabad ku ahayd degenaanshiyaha mandaqada.
Gaas ayaa hadalkan sheegay isagoo kormeer ku maraya Xafiisyada dawladdiisa oo intooda badan dib u dhis lagu sameeyay sanadihii la soo dhaafay.
Dareenada lagu soo dhaweynayo khaarajinta hogaamiyihii Xaraakda Islaamiga ah ee Alshabaab Axmed Godane, ayaa isa soo tarayay tan iyo markii Maraykanku ku dhawaaqay inuu dhintay ninkaas.
Kooxda Alshabaab ayaan wali si rasmiya u caddeyn inuu godane dhintay, hase ahaatee warbaahinta qaar ayaa baahiyay qoraal kooban oo ay ku sheegeen in la dilay hogaamiyahoodii, isla markaana ay ugu aar gudi doonaan weerar khasaare badan dhaliya.
Gobanimonews
Garoowe Office
Email: editor@gobanimonews.com