Sanaag waxay ka mid tahay 18-kii Gobol ee Soomaaliya, mana jiri karo gobol cusub oo laga jaray karaa..
Beesha Warsan-geli oo xumadii ku taagnayd ka muday Somaliland iyo Puntland oo walaac ka qabay Shirka Xiil galool.Daawo
Xiin-galool(GNA)-Go’aamo ka kooban Shan qodob oo baaq nabad-gelyo iyo kuwo deegaan xambaarsan ayaa laga soo saaray Shir-weynihii Beelaha Warsan-geli uga socday Degmada Xiin-galool ee Gobolka Sanaag.
Shirkan oo socday muddo todobaad ka badan, waxa goob-joog ka ahaa ergooyin ka kala socda beeshaasi oo kala yimi deegaamada ay degto, waxaana ujeedaddiisa lagu sheegay Aayo ka tashi siyaasadda ka fog.
Qodobada laga soo saaray Shirkan waxa ka mid ah inaan Gobolka Sanaag laga jari Karin Gobolo kale ama degmooyin ka baxsan shantii degmo ee dawladdii siyaad barre kaga tagtay, kuwaasoo lagu sheegay in saddex ka mida beeshu degto.
Waxa kale oo ka mida go’aamadaas in Kaalmo bino-aadannimo lala soo gaadho dadka ka barokacay Deegaamada Dagaalku ku dhex maray Puntland iyo Kooxda Alshabaab ku xidhan Buuraha gal-gala iyo nawaaxigooda.
Shirkan oo intii uu socday ay isha si weyn ugu hayeen Somaliland iyo Puntland, ayaan natiijada ka soo baxday wax siyaasadda la xidhiidha lagu soo qaadin, iyadoo horena looga madnuucay Siyaasiyiinta beesha u dhashay ee labada Maamul ku jira.
Halkan ka daawo:
Wasiirro ay xukuumadda Somaliland maalmo ka hor u dirtay Shirkaasi, oo uu hogaaminayo Wasiirka Gaashaan-dhiga Axmed Xaaji Cali Cadami , ayaa ku sugnaa Magaalada Ceerigaabo, kaddib markii looga digay inay madasha shirka cagta soo geliyaan.
Wasiirradan oo ujeedka safarkoodu ahaa inay kulaalaan natiijada shirkaasi oo ay xaasaasiyad ka qabeen inay khatar siyaasaddeed kaga timaado, una tageen si ay uga hortagaan, ayaa si cad uga dabin dhowray howsha loo diray.
Axmed-wali Cali Beenyo
Gobanimonews
Xiin-galool