Waxaynu ka wada war qabnaa dhamaanteen oo aan ogsoonahay in xumaan dhamaanteed tahay wax xun oo mudan ama gayda in la iskaga digo noockasta oo ay xumaani leedahay ama sifo kastaba ha lahaatee waxaa kale oo mudan in dhamaan xumaani tahay mid ku dhaxalsiisa hoog iyo halaag aanad ka soo waaqsan karahayn oo aduunka iyo aakhiraba ah, waxay aabo iyo hooyaba u tahay burburka iyo dagaalada aduunka afeeya waxaa kale oo ay dhalisaa faqri iyo burbur dhinaca dhaqaalaha iyo aqoonta intaba waxaa umadaha xumaanta bariinsada ee isaga digi waaya waxaa lagu salidaa cadaw ka xoog badan oo aan xabad amahal ka reebin.Si kastaba ha ahaatee waxaan maanta soo qaadan doonaa qiso dhab ah ama dhacdo dhab ah oo ku dhacday wiil yar oo dhalin yaro ah kaasi oo dhaqan ka yeeshay xumaan isla markaana aan u aabo yeeli jirin samaynta xumaanta, samaynta xumaanta waxay saaxiib ku ahaayeen nin kale oo isna aad ugu talax tagay samaynta xumaanta waxay labadan wiil lahaayeen guri ay ku sameyn jireen xumaanta oo ay hablaha kula tuman jireen.
Labadan wiil ka hore oo ah kan ay ku dhacday qisadu waxaa uu joogay meel ka durugsan gurigii ay xumaanta ku samayn jireen kan kalena waxaa uu raadsaday gabadh uu habeenkaasi la tuman lahaa waxaa uu tagay jaamacad agteed si uu ugu ugaadhsi tago hablaha yaryar ee jaamacada dhigta waxaana uu soo helay gabadh aad u qurux badan mudo dheer oo uu haasaawe iyo halaasi ku waday waxaa uu ku guulaystay inuu gabadhii la balamo waanay suurta gashay. waxaa gabadha dhalay oday adag oo ay ka baqato waxaa uu keeni jiray jaamacada markuu keenay jaamacada ee uu dhigay ayuu asna soo qaatay waxaa uu latagay gurigii xumaanta ay u kiraysteen waxaa uu ku sameeyey xumaan waa uu ka tuntay markay goor danbe gaadhay ayuu ku dhahay walaal waxaan inoo doonahayaa sharaab iska sii joog furihiina waa qaatay dusha ayuu ka ga qufulay markuu meel dhexe marahaayo ayuu waxaa uu maray wado qaldan waxaa gacanta ku dhigay ciidamada nabad galyada wadooyinka way xidheen waxay gaadhay wakhtigii uu aabeheed soo dooni jiray gabadhii way u qadaan waysay waxay ka dhex baroonaysaa guriga dhexdiisa oo ay leedahay alla waan ceeboobayeey iyo wax lamid ah.
Xumaanloowgii waxaa uu la soo hadlay saaxiibkiisii kale waxaa uu ku dhahay waryaahee waan xidhanahay wado qaldanbaan qaaday gurigiina waxaan kaga tagay gabadh aan ka tuntay dusha ayaan kaga xidhay tawdhe oo ka fur walaal.
Kiibaa orday oo gurigii tagay waa uu ka furay waxaa uu furay gurigii waa walaashii gabadhan gurigaga lagaga tagay ee laga tuntay naxdin ayuu dib u dhacay waxaa uu
ku tiraabay eray o ay ka mid yihiin ma dhagtayadiibaad ku ciyaartay iyo kuwa kale oo lagu cataabo marka ay dhacdo tan oo kale waxaa uu ula soo baxay tooray halkiibuu qudha kaga jaray.
Bal hadaba walaal waxaad qiyaastaa waxa wiilkaasi xumaanta u banbaxay ku dhacay waxaa uu ugu talo galay oo uu guri u diyaarsaday inuu hablaha ku baabasho isaga ayey ku soo laabatay oo walaashii ayaa lagaga tuntay waliba waxaa sidaa falay saaxiibkiisii ay ku midoobeen xumaanta iyo jar ka xoorida hablaha sharafka iyo karaamada mudan.
Waxaa kale oo aad xasuusataa hadalka ilahay ee macnihiisu ahaa qofka ama ruxa xumaan sameeya ama maleega waxay ku danbaysaa ama ay haleeshaa ehelkiisa.
Soomaaliduna waxay tidhaa WARAN KUGU SOO NOQON DOONA LAMA RIDEEYO.
Waxaa kale oo ay tidhaahdaa BOORAAN HADIMO HA QODIN HADAAD QODANA HA DHEERAYN KU DHICI DOONTAANA MOOYEE.
Markaad dhamaan isku soo wada xooriso waxaa halkaa kaga muuqanaaya in xumaan sameeye ay isaga ku dhici doonto kuna danbayn doonto dabeeto uu ka shalayn doono barri ka maalin.
Waxaa iga talo ah walal ka dheeraw dhamaan xumaan oo dh an nooca ay doonto ha ahaatee iskana jir inaad ku daganto halaasiga macaan ee shaydaanka iyo ehelkiisa.
Ka fikir aakhiro iyo maalin kadanbe oo camalkaaga mooyee wax waxkuu tarahayaana aanu jirin.
W/Q: JAMAAL CABDILAAHI MUXUMED (ABU CIZA)
Bestlawyer1982@hotmail.com
jamaalsuxufi@hotmail.com