Ceerigaabo(GNA )Khilaaf ayaa ka dhex qarxay golaha Deegaanka ee Degmada Ceerigaabo.Waxa uu salka ku hayaa muran dhaqaale oo mudaneyaasha iyo shir-guddoonka ka dhex aloosan.
Fadhi ay maanta yeesheen golahaas ayaa ku dhamaaday natiijo la;aan, iyadoo faro cidayahood ay ku kala badbaadeen inay is gacan saran, sidaa waxa sheegay wariyeyaashii ka qayb galay shirka.
Khilaafkan ayaa la sheegay in uu salka ku hayo musuq maasuq iyo wax is dabo marin ka dhacday dhaqaalaha usoo xerooda degmada iyo Deeqo loogu deeqay Dawladda Hoose oo la sheegay in si khaldan loo isticmaalay .
“Fadhiga saaku wuxuu kusoo dhamaaday cadho buuq iyo Maagtan aanay waxba isula hadhin”ayuu yidhi Warku.
Bulshada degmada Ceerigaabo ayaa u dheg taagaya Halka uu sal dhigto khilaafkan hadheeyay Golaha Deegaanka ee ay waxqabadka ka sugayaan.
Goleyaasha Deegaanka ee Magaalooyinka Somaliland oo la doortay bishii December ee sanadkii 2012, ayaa waajahaya saddexda sanno ee uga hadhay muddo xileedka howlo badan iyo Khilaafyo dhinaca sharciga dallo ka helaya.
Gobanimonews
Ceerigaabo Office
Email: editor@gobanimonews.com