Hargeysa(GNA)-Guddoomiyaha Xisbiga Waddani Cabdiraxmaan Maxamed Cabdilaahi Cirro, ayaa Madaxweyne Siilaanyo ku eeddeeyay inaanu sifo sharci ku diidin xubinta Xisbigiisu u soo xulay Guddida doorashooyinka ee cusub.Madaxweynaha Somaliland ayaa habeenkii Isniinta mar labaad Xisbiga Waddani ku celiyay xubinta ay Komishanka Doorashooyinka u soo xusheen, iyadoo lagu sababbeeyay celinta xubinta waddani inuu Xisbiga ka tirsantahay.
Habada Guddoomiyaha Xisbigaasi Cabdiraxman Cirro oo maanta shir-jaraa’id ku qabtay Magaalada Hargeysa, ayaa sheegay inaan Xubinta laga diiday ku jirin xisbiga, balse ay u arkaan in dareen kale laga qabo oo looga reebay Guddida.
Cirro ayaa sheegay inaan Maxamed Cismaan Fadal ku jirin waddani markii Madaxweynuhu ka soo dalbaday buuxinta xubinta Komishaka.
"Madaxtooyada somaliland waxa laga filayaa inuu shacabka si cadaalada ah ugu xaqsoorto,Qodobka aad xubinta u adeegsatayna inaad xubnaha kale u adeegsato, ee maaha inaad si gaar ah Xubin aad u tagoorto waa laga qurux badan yahay,waxa loo baahan yahay in Xubinta la diidayo in sifo sharci ah loo diido,Xisbiga wadani waxa uu dhamaan soo dhawaynayaa Dhamaan Xubnaha Kumiishanka doorashooyinka loo doortay,waxaana uu usoo jeedinaynaa in ay cadaalada ku dhaqan shacabka iyo xisbiyada Mucaaradka ayaa la doonayaa.”ayuu yidhi Cirro oo shirka jaraa’id ku qabtay Xafiiska Waddani.
Gobanimonews
Hargeysa Office
Email: editor@gobanimonews.com