Wednesday, October 8, 2014

Burco: Hay’ad Waddani ah oo Xoolo u qaybisay Dad Danyar ah

S5950121Burco(GNA)-Hay’ada wadaniga ah ee Sanaag Development Foundation ayaa Dadwaynaha magalada Burco u qaybisay Xoolo tiradoodu dhamayd Sideetan Neef oo adhi ah Munaasibadii Iidul adxada.

Haya’ada, ayaa waxay xoolahan gaadhsiisay dadwayane danyar ah, kuwaasoo ay ugu qaybisay daafaha magaalada oo dhan.
Gudoomiayaha Hay,ada sanaag Development Kayse Xasan Cabsiiye ayaa faahfaahin ka bixyay Adhigan. waxaanu yidhi''waxaanu xoolo udxiya ah u qaybinay dad masaakiin ah,waxaanan qaybinay kuwo aanu qalay iyo kuwo iyagoo nool aanu qaybinay,tiradoodu marka laysku daro waxay gaadhaysaa cadad sideetan neef ah,waxaanan wadnay ilaa maalintii ciida ka horaysay ilaa maanta oo aanu soo dhamaynay,Xoolahaas waxaa soo dirtay dad dibadaha jooga oo isku soo dar darsaday,waanan u mahad celinaynaa cid kasta oo ka qayb qaadatay.” Ayuu yidhi.

Cali shahraan oo isna ka mid ah hay’adan khayriga ah ayaa isna sidoo kale dadkaas soo dhiibatay xoolaha ugu maadnaqay sida ay usoo gaadhsiiyeen dadka baahan ee walaalahooda ah,waxanu ilaahay uga barayay in uu ka jasaa,i siiyo.
waxaa iyana halkaas uga mahadnaqay qaar ka mid ah dadkii loo qaybiyay udxadaas,iyagoo sheeegay inay aad ugu baahnaayeen.

Axmed Muuse Maxamed

Gobanimonews

Burco Office

Email: axmedmm9@hotmail.com