Waa heshiis aan sal iyo raad toona lahayn hadaaqa maanta ee ay garoosrka ka ahaayeen Golaha Guurtida ee KULMIYE. Mar ay noqotaba dib ayuu u qarxayaa. Maansadani waxa ay taageero u tahay Mujaahid Biixi iyo Mujaahid Kaahin
Anoon bambo haynnin qarax
Bud iyo wadan toorri huba
Anoon siday baybayshee
Bilaash igu joojisee
Adaa baxar naga dalbaday
Bannaan-bax adaa codsaday
Allow waagu ii beryaa
Waxaan ahay baawarkii
Hoheey farta bidix codayn
Boqree dulmiyaha ka dhigay
Midkii boqolkiiba fawd
Bannaanka ka qaata qayb
Banddooda ma yeelaynnee
Bye bye madaxweynahow
Waxaan barbarkiisa ahay
Mujaahidka Biixi iyo
Buruudsame Kaahin iyo
Ninkii shalay baanashada
Ku saaray bartaad fadhido
Baroor ma calaacalee
Haddaad belo ”kaalay” tidhi
Qaddaafi wixii la baday
Bartuu Cali Saalax maray
Ha daawannin beenahee
BBC-da faalladiyo
Jazeera warkeeda bogo
Bilays nama joojin karo
Waheey birmadkaan liqaa
Boggayga adduun ma galo
Barbaarta saqiiriyow
Adaa bilis geeyay jeel
Banddooda ma yeelaynnee
Bye bye madaxweynahow
Waxaan barbarkiisa ahay
Mujaahidka Biixi iyo
Buruudsame Kaahin iyo
Ninkii shalay baanashada
Ku saaray bartaad fadhido
Khadar Maxamed
AF-HAYEENKA GOLAHA MACALLIMIINTA QARANKA