Hargeysa(GNA)-Guddoomiye ku-xigeenka 2aad ee golaha wakiilada Somaliland Cali Maxamed Yuusuf ayaa sheegay inay Guddoomiyaha Golahaasi isla ogaayeen isku shaandheynta Guddi hoosaadyada golaha wakiiladda.
Hadalkan ayaa ka dambeeyay qoraal ay sii wada saareen isaga iyo Guddoomiye ku-xigeenka 1aad oo ay kaga soo horjeedaan isku shaandheynta.
Cali Maxamed Yuusuf ayaa sheegay in uu dib uga noqday go’aankaasi uu la ogaa guddoomiyaha golaha Cabdiraxmaan Cirro waxaanu ku dooday in uu yahay qalad ka dhacay “Aniga iyo Guddoomiye Cirro waanu isla ogayn isku shaandhaynta balse dee bani’aadam ayeynu nahay oo waynu qaldami karnaa waxaanu arrinkani khilaafsan yahay xeerhoosaadyada golaha ” ayuu yidhi Cali Maxamed Yuusuf .
Yooyootanka ka bilaamay Golaha wakiillada ayaa ah mid bilow ah, balse mudo si hoose looga soo shaqaynayay.
Guddoomiyaha Golaha wakiillada ayaa todobaad ka hor isku shaandheyn ku sameeyay Guddi hoosaadyada Golaha wakiillada, isla markaana xubno xisbigiisa ka soo jeeda ugu ololeeyay inay guddoomiyaan guddiyada ugu muhiimsan.
Taas ayaa dareen culus gelisay Xisbiga Kulmiye iyo xukuumadda, kuwaasoo haatan iyaguna u biyaystay sidii ay wiiqi lahaayeen awoodda Guddoomiye Cirro.
Gobanimonews
Hargeysa Office
Email: editor@gobanimonews.com